နဝေတိမ်တောင် စာကို ဖတ်သူများသို့ ....

ဒီဆောင်းပါးလေးကို မေးခွန်းလေးနဲ့ စချင်ပါတယ် ဆိုပြီးတော့ ဇော်မျိုးက သူဘလောခ်မှာ ပိုစ်တစ်ခုတင်ပါတယ်။ အမှန်အတိုင်းပြော ရရင် သူဘလောခ်ကို ဖတ်လေ့ မရှိဘူး။ တခါတလေတော့လည်း စီဘောစ်တိုင်းလိုလို မှာတွေ့ ရတဲ့ သူ့ ရဲ့ ကြော်ညာအားကြောင့် ၂ ခါ ၃ ခါလောက်ဝင်ကြည့်ဖူးတယ်။
ဇော်မျိုးက သူ့ ပိုစ်ကို အပိုင်းတွေ ခွဲပြီး ပြောထားတယ်။

၁ - ဒီမိုကရေစီ လှုပ်ရှားမှု နဲ့ ကော်ပီနိုင်ငံရေး
၂ - ပုဂ္ဂိုလ်ရေးအမုံန်းတွေ ရပ်ဆိုင်းပါ
၃ - နအဖ စစ်တပ်မဟုတ်ပါ
၎ - ၀န်ထမ်းတွေကို စည်းရုံးပါ
၅ - သတင်းဌာနများ
၆ -မိမိတာဝန်
-----၁ - ၀ါဒတူတွေလုပ်တိုင်း မထောက်ခံပါနဲ့
-----၂ - မိမိလူကို စည်းရုံးပါ
-----၃ - ဦးနောက်မပျင်းပါနဲ့
-----၄ - အမြှောက်ကိုစားအားရှိပါ၏
-----၅ - မိမိအဖွဲ့အစည်းတွေကို အရည်အသွေးမြှင့်တင်ပါ
-----၆ - ရန်ထောင်တာတွေ ရပ်ပါ
-----၇ - ခေါင်းဆောင်သစ်လိုပြီ

နောက်ပြီး သူတို့ ရဲ့  အတုအယောင် စိတ်ကူး တိုင်းပြည် (virtual country) ကိုလည်း ပြောတယ်။

ခေါင်းစဉ်တွေကို ကြည့်ရင်တော့ အဟုတ်ကြီးလိုလိုပဲ။ နောက်ပြီး အဲဒီ့ပိုစ်ဘယ်လောက်ရှည်မလဲဆိုတာလည်း သိနိုင်ပါသေးတယ်။ သူတို့ ရဲ့ စာရေးနည်းကတော ဟုတ်တာတွေနည်းနည်းထဲမှာ ဟုတ်သလိုလိုတွေ၊ မဟုတ်တာတွေ၊ ဘာမှ မဆိုင်တဲ့ ဟာတွေကို ထည့်ပြီးတော့ ရေးနည်းပဲ။ (သူများတွေ ပြောသလိုဆို နဝေတိမ်တောင် ပြောနည်းပဲ)။ သူတို့ ရေးသမျှ အားလုံးကို လိုက်ပြောနေရင် ကျွန်တော့် အချိန်တွေနှမြှောစရာကောင်းတယ်။

ပထမဆုံး မြန်မာ ဒီမိုကရေစီလုပ်နေသူတွေဟာ ကလေးဆန်တယ်။ သမိုင်းစာအုပ်ကြီးတွေကနေ ပုံတူကူးလုပ်နေတယ်။ ဒါပဲ သူမြင်တယ်လို့ ဆိုတယ်။ ကလေးဆန်တယ်ဆိုတဲ့ ကိစ္စကို ဥပမာပေးတော့ ကိုနစ်နေမန်းဘလောခ်က ရုရှ စစ်ဗိုလ်နဲ့  ကလေးမလေး ကိစ္စကို ပြောတယ်။ ဒီကိစ္စနဲ့ ပတ်သတ်ပြီးနည်းနည်းပြောချင်တယ်။ ဘာလို့ ပြောချင်တာလည်းဆို ဒီမိုကရေစီသမားတွေ ဟာ ဘာမှ မစဉ်းစားဘူးလို့  ခဏခဏပြောလေ့ရှိလို့ ပါ။နောက်ပြီး ဒီကိစ္စဟာ နအဖ နောက်ဆွဲတွေရဲ့  အပုတ်ချစရာ တစ်ခုအဖြစ်ပြောဆိုနေကြလို့ ပါ။ မှန်တယ်။ ဒါဟာ ကို နစ်လို့ ဘလောခ်အတွက် မတင်ပြသင့်တဲ့ သတင်းပဲ။ တော်တော်များများလည်း ပြောခဲ့ကြပါတယ်။ ကြယ်စင်ကျော်ဆို အပြောရဲလို့  ပွထလာတဲ့ အထိပဲ။ ဒါပေမယ့် ကိုနစ်ဘလောခ်က သတင်းမှန်တွေ၊ ဓာတ်ပုံအမှန်တွေကို အမြန်ဆုံးတင်ပြပေးခဲ့တဲ့ နေရာတစ်ခုဖြစ်တယ်။ မမှန်တာတွေလည်း ပါခဲ့ပါတယ်။ ဆင်ခြင်တုံးတရားလည်းရှိခဲ့မယ်၊ ရင်ဘတ်တွေကိုလည်းဖွင့်ထားခဲ့မယ်ဆိုရင် အဲဒီမမှန်တဲ့ သတင်းတွေဟာ ရည်ရွယ်ချက်ရှိရှိနဲ့  လုပ်ခဲ့တာမဟုတ်ဘူးဆိုတာကို တွေလာရလိမ့်မယ်။ သတင်းမှားရတဲ အကြောင်းကတော့ အမြန်တင်ပေးနေရခြင်း၊ မစီစစ်နိုင်ခြင်း၊ တခါတလေ စိတ်လောကြီးသွားခြင်း၊သတင်းတင်ပြသူ တစ်ဦးထက်မကရှိပြီး သူတို အားလုံးဟာ pro များမဟုတ်ကြခြင်း တို့ ကြောင့်ပဲ ဖြစ်တယ်။ အဲဒီစစ်ဗိုလ်ကိစ္စပဲ ပြောစရာဖြစ်ခဲ့တာဖြစ်တယ်။ နောက်ပြီး ကိုနစ်ဘလောခ်က အဖွဲနဲ့ လုပ်ရှားတဲ့ ပုံစံ။ တစ်ယောက်တစ်လေဟာ တခါတလေမှာ မှားနိုင်ပါတယ်။ ဒါကိုကြည့်ပြီး တော့ ဒီမိုကရေစီသမားတွေဟာ ကလေးဆန်တယ်လို့  ၀ါးလုံးရှည်နဲ့ သိမ်းကြုံးပြီး ရမ်းသမ်း ပြောရင်တော့ ပြောတဲ့ သူကိုယ်တိုင်ကိုယ်က ကလေးအတွေးပဲရှိလို့ ဖြစ်တယ်။

ပုံတူကူတယ်ဆိုတဲ့ ကိစ္စကတော့ အတော်ကို ရယ်စရာကောင်းတယ်။ သမိုင်းစာအုပ်တွေထဲကနေ ပုံတူကူးနေတယ်တဲ့။ ကူးတဲ့ ဥပမာကလည်း မတရားတဲ့ အမိန့် ဖိဆန်ရေး၊ စီးပွားရေးပိတ်ဆိုရေး၊ အစိုးရယန္တယားရပ်အောင်လုပ်ဆောင်ခြင်းတဲ့ ဗျ။ သိထားရမှာက အဲဒီဟာတွေဟာ သမိုင်းစာအုပ်ထူထူကြီးတွေထဲမှာရှိရှိ၊ မရှိရှိ အရေးမကြီးဘူး။ လုပ်ဖို လိုအပ်တဲ့ အတွက် လုပ်နေကြတာပဲ။ လုပ်ဖို့  ကြိုးစားနေကြတာပဲ။

ကျွန်တော်တို့  လိုချင်တဲ့ ကြိုးစားနေတဲ့ ဒီမိုကရေစီနိုင်ငံတော်မှာ နောက်တက်လာမဲ့ အစိုးရဟာ သူလုပ်ချင်တာကို ဘာပဲဖြစ်ဖြစ်ဆိုပြီး လုပ်ခွင့်မရှိဘူး။ သန်းရွှေကို မုန်းလို့ ဆိုပြီး ထောင်နှစ်ရှည်ချလို့ မရဘူး။ တကျွန်းချလို မရဘူး။ ဒီတော့ " သူတို့လက်ထဲအဏာရောက်မှ ပြည်သူတွေ လိုလားလို့ပါဆိုပြီး အကြောင်းပြချက်နဲ့ စစ်ခုံးရုံးတင်မယ်ဆိုတာ ခန့်မှန်းလို့ရပါတယ်။ " ဆိုတာဟာ အာဏာရှင်စက်ကွင်းအောက်က မလွတ်မြောက်သေးတဲ့ အတွေးအခေါ်မျိုးပါ။ ဒီမိုကရေစီမှာ အဲဒီအတွေးအခေါ်မရှိဘူး။ သန်းရွှေဟာ တရားစီရင်ရေး ဥပဒေရဲ့  ဆုံးဖြတ်ချက်အောက်မှာပဲ ရှိပါတယ်။ သန်းရွှေဟာ အပြစ်မရှိသူ၊ ဒါမှမဟုတ် လွတ်ငြိမ်းချမ်းသားခွင့် ပြုထိုက်သူ လို့  တရားဥပဒေ က ဆုံးဖြတ်ခဲ့ရင် နောက်တက်လာမဲ့ အစိုးရဟာ ဘာမှ လုပ်နိုင်မှာမဟုတ်ဘူးဆိုတာ နားလည်းထားပါ။ ဒီလိုပဲ သန်းရွှေဟာ သေဒဏ်ထိုက်သူ လို့ ဆုံးဖြတ်ခဲ့တယ်ဆိုရင်လည်း အစိုးရဟာ သူကို ကယ်ချင်ပါတယ်ဆိုတောင် လုပ်ခွင့် မရှိဘူးဆိုတာ နားလည်ပါ။ စစ်အာဏာရှင်အောက်က အတွေးမျိုးတွေနဲ့ ဒီမိုကရေစီကို မဆုံးဖြတ်ပါနဲ့ ။

စစ်တပ်ကိုတော့ နအဖပြည်ဖျက်ဗိုလ်ချုပ်ကြီးတွေ ဦးဆောင်နေပြီး သူတို့ ခိုင်းသမျှ လိုက်လုပ်နေတဲ့ တပ်မို့  နအဖတပ်လို့ ခေါ်တာပဲ။ ပြည်သူ့ စစ်တပ်ဆို ပြည်သူ အကျိုးရှိတာပဲလုပ်မပေါ့။ ဒါပေမယ့် ကျွန်တော်က စစ်တပ်ကို ဘယ်တော့ မှမဆဲခဲ့ဘူးဖူး။ စစ်သားတွေကို အခုထိချစ်တုန်းပဲ။ ငယ်ငယ်က လူကြီးလာမှာမို့ လို ကျွန်တော်တို့ ခြံထဲ ကင်းလာစောင့်တဲ့ စစ်သားတွေဆို မုန်တွေသွားကျွေး ၊ အားကျစွာနဲ့  စကားတွေသွားပြောခဲ့ တာ။ အခုထို ချစ်တုန်းပဲ။ ဒါပေမယ့် စစ်တပ်ရဲ့ ဂုဏ်သိက္ခာ မရှိမှု ၊ လူချဉ်လာတာတွေ ကို လည်း လက်ခံပါတယ်။ ရှေ့ တန်းစစ်မျက်နှာမှာ မဟုတ်ပဲ၊ တိုင်းပြည်ရဲ့  အကြီးဆုံးမြို့ လယ်ခေါင်မှာ ဘာလက်နက်မှမကိုင်ထားတဲ့၊ ကျွန်တော်တို့ ကိုးကွယ်ရာဖြစ်တဲ့ ရဟန်းတော်တွေ၊ ဒုက္ခရောက်ပြီးသနားစရာကောင်းနေတဲ့ ကိုယ့်ပြည်သူတွေကို ရက်ရက်စက်စက် ပြန်ပြီးပစ်ခက်၊ ရိုက်နက်နေမှတော့ ဒီစစ်တပ်ကို ဘယ်လို အကောင်းပြောရမလဲ။ နောက်ပြီး သူတို့ ဟာ တခါတလေ မှားယွင်းတာမျိုးမဟုတ်ဘဲ အခါခါ ကျူးလွန်နေ ကြတာဖြစ်တယ်။ စစ်တပ်ထဲက ရှိရှိသမျှစစ်သားတိုင်း ဟာ ဒီလိုပဲလို့ လည်း ကျွန်တော်မှာ အစွန်းရောက်တာမျိုးလည်းမရှိဘူး။
သို့ သော်လည်း ၁၉၆၂ နောက်ပိုင်းသမိုင်းအရကော၊ လက်ရှိအနေအထားအရပါ စစ်တပ်ဟာ ပြည်သူ့ အတွက်မဟုတ်ဘူးဆိုတာ ထင်ရှားတယ်။

စက်တင်ဘာလတုန်းက အထွေထွေ ၀န်ထမ်းသပိတ်ဆင်နွဲဖို့  တောင်းဆိုတာကို ရယ်စရာကြီးဖြစ်မနေဘူးလားတဲ့။ ၀န်ထမ်းတွေကို ရန်သူလို ဆက်ဆံခြင်းမှ ရပ်ပေးပါတဲ့။ တချိန်လုံး ၀န်ထမ်းတွေကို ရန်သူလို သဘောထားခဲ့တယ်လို့ လည်း ပြောသေးတယ်။ မှတ်ထားပါ။ ဘယ်ဝန်ထမ်းကို မှကျွန်တော်တို့ ရန်သူလို သဘောမထားခဲ့ဘူး။ နားလည်း သနားမှု့ တောင်ဖြစ်သေးတယ်။ မိဘလည်းဝန်ထမ်း။ ကိုယ့်ဘ၀ကိုယ် ကို အသိဆုံးပဲ။ ချွင်းချက်တော့ ရှိတယ်။ ပြည်ဖျက်အစိုးရကို အားပေးအားမြှောက်ပြု နေတဲ့ ဘယ်ဝန်ထမ်းမဆို သူတို့ ဘက်က ပြောင်းလည်းမှု့ မရှိခဲ့ရင် မိတ်ဆွေလို့ မသတ်မှတ်နိုင်ဘူး။ ပြောင်းလည်းမှု့ ရှိရင်ကြိုဆိုမယ်။ ဒါပြတ်ပြတ်သားသားပဲ။ ဒီလို ၀န်ထမ်းတွေဟာလည်း လူနည်းစု လက်တစ်ဆုပ်စာ ဆိုတာကိုလည်း နားလည်ပါ။

သတင်းဌာနတွေနဲ့ ပတ်သတ်ပြီး ဇော်မျိုးဟာ DBV BBC VOA RFA သတင်းဌာနအတော်များများကို မဟုတ်မမှန်သတင်း တွေလွှင်ပါတယ်။ ဘာဖြစ်တယ် ညာဖြစ်တယ်ဆိုပြီးပြောတယ်။ မယုံပါနဲ့ လို့ လည်းပြောတယ်။ ရယ်စရာကောင်းတယ်။ သူက ကျွန်တော်တို့ တတွေဟာ အဲဒီ သတင်းဌာနတွေက လွှင့်တာတွေကို အကုန်လိုက်ယုံနေတယ်လို့ ထင်လားမသိဘူး။ အဲလို ထင်တယ်ဆိုရင်တော တော်တော်တုန်း တဲ့ကောင်လို့  ဆိုရမှာပဲ။ ဒါပေမယ့် အဲဒီဌာနတွေကလွှင်တဲ့ သတင်းက ပြည်ဖျက်အာဏာရှင်ရဲ့  မြန်မာ့အလင်း၊ ကြေးမုံ စတာတွေထက် ပိုပြီး အကျိုးရှိတဲ့ သတင်းတွေကို ထုတ်လွှင့်ပေးနေတယ်ဆိုတာတော့ အသေအချာပဲ။ မှန်တာတွေက ၉၀ % လောက်မှာရှိတယ်။ သတင်းလို့ ပြောလိုက်ရင် အချိန်ပေါ်မှုတည်ပြီး အမှားကင်းမကင်းရှိတယ်ဆိုတာကို နားလည်းထားရပါမယ်။ ဒါကိုနားလည်းထားရင် ဘုန်းကြီးတုဟုတ်မဟုတ်တို့ ၊ ဦးနှောက် ထွက်ကျတာဟုတ်မဟုတ်တို့  အဲလိုမျိုးတွေကို ကောင်းကောင်းနားလည်လာပါလိမ်မယ်။ နောက်ပြီး သတင်းတင်ပြသူတွေရဲ့  အခက်အခဲကို လည်း နားလည်းလက်ခံပေးရပါမယ်။ မြန်မာ့အလင်းတို့ ၊ ကြေမုံတို ကတော့ နိုင်ငံနဲ့ ပတ်သတ်လာရင် တချိန်လုံးလိမ်ညာနေကြတာပဲ။ နောက် သောက်သုံးမကျတဲ့ ဗိုလ်ချုပ်ကြီးတွေရဲ့  ရေမြောင်းရေစီးကောင်းအောင် ဘွက်ဆယ်တာကို ကြီးကျပ်ပေးတဲ့ကြောင်း အဲလိုနဲ့  စာရွက်ဖြုန်းနေတာပဲ။

အဲဒီနောက်ပိုင်း မိမိတာဝန်ဆိုပြီး ရေးတာကတော့ ခေါင်းစဉ်လေးတွေပဲဖတ်မယ်ဆိုရင်တော့ ကောင်းပါတယ်။ ခေါင်းစဉ်အောက်က စာတွေကတော့ ရေးချင်ရာလျှောက်ရေးထားတာပဲဖြစ်တယ်။ ခေါင်းဆောင်သစ်ရှာဖို့ ဆိုတဲ့ ကိစ္စကလွဲရင် ကျန်တာတွေကို အချိန်ကုန်ခံပြီး ဆက်မပြောတော့ဘူး။

ဇော်မျိုး ဟာ မြန်မာဒီမိုကရေစီအရေးမှာ ဒေါ်အောင်ဆန်းစုကြည်ရဲ့  အရေးပါမှု ကို သိထားတယ်။ ဒါမှမဟုတ် သူ အထက်ကလူက သိထားတယ်။ ဒီတော့ သူရေးတဲ့ အခါ ဒေါ်စုကို လေးစားမှု့ ကျအောင် ရေးလေ့ရှိတယ်။ ခေါင်းဆောင်သစ်ရှာရမယ်လို့ အကြောင်းပြချက်ကောင်းကောင်းတွေရော၊ မဆိုင်တာတွေရော ပြပြီး ပြောလေ့ရှိတယ်။ လူထုခေါင်းဆောင်ဆိုတာ ငါလုပ်မယ်ဆိုပြီး တက်လုပ်လို့ ရတဲ့ နေရမဟုတ်ဘူးဆိုတာကို နားလည်ထားကြပါ။ အခုအခါမှာ တပ်ပေါင်းစုဟာ လိုအပ်ချက်ဖြစ်နေတယ်။ ဒါကို အကြောင်းပြပြီး တပ်ပေါင်းစုကို ဦးဆောင်ဖို့  ခေါင်းဆောင်သစ်ရှာခိုင်းနေတယ်။ ကြည့်လိုက်ရင်ဟုတ်သလိုရှိပေမယ့် တကယ်တော့ စည်းလုံးမှု ကို ပြိုကွဲအောင်လုပ်နေတာပဲ။ တပ်ပေါင်းစုဆိုတာ ရှိရမယ်။ တပ်ပေါင်းစုကိုဦးဆောင်ဖို့ လက်ရှိခေါင်းဆောင်တွေထဲက တစ်ယောက်လုပ်ရမယ်။ ဒါမှမဟုတ် လက်ရှိခေါင်းဆောင်တွေ စုစည်းထားတဲ့ အုပ်စုတစ်စုက ဦးဆောင်ရမယ်။ ခေါင်းဆောင်သစ်ဟာ လိုအပ်ရင်၊ ကျွန်တော်တို့ ထဲမှာ ရှိလည်းရှိမယ်ဆိုရင် ပေါ်လာပါလိမ်မယ်။ အဲဒါကို ရှာမယ်ဆိုရင်တော့ မဟုတ်တရုတ်ခေါင်းဆောင်၊ သောက်သုံးမကျတဲ့ ခေါင်းဆောင်တွေပဲ တွေ့ မှာပဲ။ ကျွန်တော်တို့ တစ်တွေဟာ လက်ရှိခေါင်းဆောင်တွေနောက်မှာ မားမားကြီးရှိနေဖို့ လိုအပ်တယ်ဆိုတာ မမေ့ပါနဲ့ ။

ဒီစာကို ရေးရတာ ဇော်မျိုးတို့ အတွက်မဟုတ်ဘူး။ သူတို့ ဟာ နွားပလာတာကျွှေးဆိုသလိုပဲ။ ဒါပေမယ့် တချို့ က့ ဖတ်မိပြီး ဖတ်လို့ မဆိုးဘူး။ သူတင်ပြထားတာလည်း ဟုတ်တာပဲ ဆိုတာတွေဖြစ်လာတဲ့ အတွက်ပါ။

ဒေါင်းပျို (၂၅ ဒီဇင်ဘာ ၂၀၀၇)